ШИЕЛІДЕ АРДАГЕРЛЕР БАТА САЙЫСЫНА ҚАТЫСТЫ
Шиелі ауданында "Шиелі-Самғау" жастар қоғамдық бірлестігінің және Н. Бекежанов ауылдық мәдениет үйінің ұйымдастыруымен "Атаңнан бота қалғанша, бата қалсын" атты бата беруден жарыс өткізілді.Аталмыш шараны "Шиелі-Самғау"жастар қоғамдық бірлестігінің төрайымы Дүйсебаева Аружан Тұрғанбайқызы ашып берді. Жарыс 3 кезеңнен тұрды. Бірінші кезең бойынша дастархан батасын берсе, екінші кезең бойынша Жас отау иелеріне және үшінші кезең жолаушыға бата беруден тұрды. Жарыс соңында қатысушы ардагерлердің арасында өнері мен талантының арқасында озып шыққан ардагерлер жүлделі орынмен және алғыс хатпен қаржылай сыйлықпен марапатталып, естелік суретке түсті.
