ШИЕЛІ АРДАГЕРЛЕРІ ШАХМАТТАН САЙЫС ӨТТІ
Аудан әкімінің қолдауымен "Шиелі-Самғау" жастар қоғамдық бірлестігінің ұйымдастыруымен аудандақ мәдениет үйінде "Шахмат – ақыл-ойдың спорты" атты аудан ардагерлерінің арасында шахмат ойынынан жарыс өткізілді.Шараны аудан әкімінің орынбасары Есмаханов Алмасбек Әбілқасымұлы ашып, ауданымыздың өркендеуіне өз үлестерін қосып жүрген ардагерлерге алғысын білдіре отырып, қатысушы ардагерлерге сәттілік тіледі. Жарысқа аудандық денешынықтыру және спорт бөлімінің қызметкері Омаршаев Болат Қожаназарұлы төрелік етті. Ардагерлерге жарыс ережесі түсіндірілп, жеребе арқылы қатысушылар өз кезегімен ойынды бастады. Ойын соңында аудандық ішкі саясат бөлімінің басшысы Әбдіқадыров Бағдат Нажмедденұлы мен аудандық ардагерлер кеңесінің төрағасы Оразымбетов Сұлтанбек Қойшыбайұлы жүлделі орын иелері мен алғыс хат иелерін марапаттап, қаржылай сыйлықтарды табыстады. Шара соңында естелік суретке түсіріліп, ардагерлер ұйымдастырушыларға өз алғыстарын білдіріп, батасын берді.
