Ақмешіт апталығы

Бұл жұмыстың нәтижесі бүкіл әлемнен Грузияға туристердің көбеюі болды. Өткен жылы мем­лекет қазынасына ақшалай тү­сімдер 3 миллиард доллардан асты. Грузия Туризм министрлігі 2025 жылға қарай бұл көрсеткішті 6 миллиард долларға, ал шетелдік келушілердің санын жылына 11 миллионға жеткізуді жоспарлап отыр. Грузиядағы орташа айлық жалақы - 1125,5 лари (шамамен 435 АҚШ доллары). Грузияда 2018 жылғы желтоқсанда орташа отбасы үшін күнкөріс минимумы 293,6 лари (шамамен 110 доллар) болды.

Нино Куркунули, аспаз: – Мен әртүрлі тағам жасауды үйрендім. Украин, ливан, грузин асханасында жұмыс істедім. Ал, қазақтың да асханасы маған беймәлім. Енді мені жаңа нәрсе қызықтырды, мен әртүрлі тағамды білгім келді. Маған қазақ аспазшылары сабақ берді. Бұл грузин тағамдарынан өзгеше: Қой, жылқы еті бар, ет көп, пияз көп. Түрлі тағамдық тізбе маған ұнады. Маған қамырды жайып салу өте қиын болды, бірақ мен оны білдім.

Еркеш Баймұхамбет, Тбили­сидегі қазақ мейрамханасының қожайыны: – Біз мұнда ең алды­мен Грузияда тұратын қазақтар үшін қазақ тағамдарын аштық. Біріншіден, бұл біздің мақсатты аудиториямыз. Сонымен қатар, бізде қонақтар көп, жергілікті тұрғындар – грузиндер. Олар да үлкен қызығушылықпен ке­леді. Әсіресе, бесбармақ, бауыр­­сақ ұнайды. Олар сол ман­­тыны ұлттық тағамдары - хинкалиімен салыстырады. Мей­­рамхана бірнеше ай бойы ашы­лып, өз аудиториясын тапты. Отандастардың алғашқы кездесуі Қазақстанның Тәуелсіздік күнінде өтті.

Айгүл Қойшыманова, Тбилиси тұрғыны: – Міне, Тбилисиде WhatsApp желісінде қазақ тобы бар. Осылайша біз де жаңа мейрамхана бар екенін білдік. Біз осында кездесуді ұйғардық. Тәуелсіздік күні бізде кісі көп болды. Біз бәріміз қол қойып, осында кездесуді шештік. Біз балалармен, отбасылармен бір­­ге кездестік, яғни үлкен отбасында той­ладық. Біз мерекені осында атап өтеміз деп шештік.

Осылайша, Қазақстанның Тбилиси асханасы ностальгияны емдейді. Ал мейрамхана әкім­шілігінде қазақтың ұлттық ас­паздық рецептерін жинау және жан­дандыру бойынша ауқымды жоспарлар бар.

Қазақстан елшілігінің мәлі­метінше, Грузияда 105 қазақ тұ­рады. Бұл негізінен аймақтағы өкілдіктері бар ұлттық компания қызметкерлері, кәсіпкерлер-ин­весторлар, дипломатиялық мис­сияның қызметкерлері және олардың отбасы мүшелері.

Солардың бірі – Жанна Сембинова. Ол туристік ком­пания  өкілі. «Жыл сайын жаз айларында мұнда Қазақстаннан туристер көптеп келеді. Олардың сұранысына сай қызмет көрсе­теміз. Жалпы, Грузия тынығу үшін табиғаттың керемет көріністеріне бай, шипалы суы бар ерекше өңір» дейді ол.

Ал, Анар Кесекбаева болса, мұнай-газ  компаниясында қыз­мет істейді. «Халқының қонақ­жайлығы, сырттан келген кісіні бауырына басып, дастарханнан дәм ұсынып, кең пейілін дәріптеп отырады. Сонан соң Грузия шағын болғандықтан бір-біріне ілтипат жоғары. Тіпті біздің еліміздегідей шенеуніктердің менмендігі жоқ, бір айдың ішінде екі министрмен еркін тақырыпта әңгіме құрдым. Олардың қара­пайымдылығы ұна­ды» деп Анар ағынан жарылды.

Жалпы, Кавказда Қазақстан­ның курортты орындары да жет­кілікті. Мұнда тұрақты тұрғын болған қандастар жыл санап артып отыр.