Сын сәттегі сындарлы қадам
Ғаламдық сипат алған пандемия адамзатқа айтарлықтай ауыртпалық әкелгені жасырын емес. Қатерлі вирус әлем елдерінің экономикалық-әлеуметтік ақуалына ғана емес, адамзаттық өмір сапасы мен денсаулық деңгейіне де орасан зардап тигізді.
Осы орайда, Мемлекет басшысы Қасым-Жомарт Тоқаевтың ел аумағында індетке қарсы енгізген сақтық шарасы өз нәтижесін беріп, науқастар санының кемуіне қозғаушы күш болды. Сол себепті Президенттің карантиндік шектеуді тағы екі аптаға ұзарту бағытындағы тапсырмасын ең оңтайлы әрі тиімді шешім деп қабылдаймын. Бұл халық саулығы үшін өте маңызды қадам екені анық. Сондықтан карантин талаптарын ел болып ескеруіміз қажет. Ол үшін көпшілік басқосу мен жиын-тойларды уақытша тоқтату, медициналық бетперде тағып, қатаң санитарлық талаптарды ұстану маңызды. Індетті ауыздықтаудың басты жолы бірлесе қимылдау екенін ескерсек екен.
Облыстық «Рухани жаңғыру» орталығының
маманы Нұрсұлтан Хабидуллаұлы
маманы Нұрсұлтан Хабидуллаұлы
