«Қазақфильмде» шыққан өрттің себебі анықталуда
Алматы әкімі Бақытжан Сағынтаев «Қазақфильмде» өрттің шығуына қатысты пікір білдірді, деп хабарлайды ҚазАқпарат тілшісі.
«Қазақфильмде» өрт шықты. 400 шаршы метрді құрайтын өрттің бірінші ошағы сағат 23: 10-да ауыздықталды. Өрттің екінші ошағы 200 шаршы метрді құрайды. Ол сағат 23: 26-да ауыздықталды. Өртті сөндіруге 53 қызметкер мен 16 техника жұмылдырылды. Өрттің салдары жойылуда. Зардап шеккендер жоқ. Полиция департаменті мен Төтенше жағдайлар департаментіне қанша шығын келгенін және өрттің шығу себебін анықтауды тапсырдым«, – деп жазды әкім Twitter парақшасына.
Еске сала кетсек , бұған дейін Алматыда Ш. Айманов атындағы «Қазақфильм» АҚ музейінде өрт шыққаны туралы жазған болатынбыз.
