Еңбек ардагерінің үйінде болды
Облыстық Қазақстан халқы ассамблеясы облыстың көшбасшы әйелдерімен бірге еңбек ардагері, Қызылорда облыстық "Қазақстан кәрістері қауымдастығы" қоғамдық бірлестігінің мүшесі Ким Лидия Алексеевнаның үйіне барды.
Лидия Алексеевна бұрын облыстық статистика департаментінің басшысы болған. Құрметті демалысқа шыққаннан кейін ол корей этносының мәдениетін дамытуға, біздің облысымызда достықты, бірлік пен келісімді нығайтуға белсенді қатыса бастады.
Ағымдағы жылы Қазақстан халқы Ассамблеясының 25 жылдығы және Қазақстан Республикасы Конституциясының 25 жылдығы атап өтілуде. Лидия Алексеевна өзінің қажырлы еңбегімен облыстың әлеуметтік-экономикалық дамуына сүбелі үлесін қосты. Оның еңбек және өмірлік тәжірибесі өскелең ұрпаққа үлгі болып табылады.
Лидия Алексеевна қызылордалықтарды алдағы Қазақстан Республикасы Конституциясының 25 жылдығымен шын жүректен құттықтап, алғысын білдірді.
ОблыстықҚазақстан халқы ассамблеясының баспасөз қызметі
