Қалалық қоғамдық-саяси газет

Ақмешіт апталығы

Газет 1994 жылдан бастап шығады
» » Облыс әкімі БАҚ өкілдерімен кездесті

Облыс әкімі БАҚ өкілдерімен кездесті

Бүгін облыс әкімі Гүлшара Әбдіқалықова БАҚ өкілдерінің басшыларымен, республикалық телеарна, баспа басылымдарының меншікті тілшілерімен кездесті. Журналистердің мәселелерін тыңдап, сауалдарына жауап берді.

Гүлшара Әбдіқалықова БАҚ өкілдерін алдымен Қазақстан Республикасы Конституциясының 25 жылдығы мерекесімен құттықтады.
Одан кейін облыстағы короновирус індетіне қатысты ахуалды сөз етіп, вирус динамикасына қарай қолға алынған жұмыстарды тізбеледі. Сонымен бірге алдағы кезеңде жаңа жұмыс орындарын құру, өнеркәсіп өндірістерін көбейту, шағын және орта бизнес саласындағы мемлекеттік қолдау шараларын тарқатып берді.

Мұнан өзге жылу беру маусымына дайындық мәселесі және жаңа оқу жылын қашықтан ұйымдастыру шараларына айрықша тоқталды.Кездесуде облыс әкімі ауыл шаруашылығы бағытына арнайы тоқтап, күріш экспорты, егін шаруашылығын әртараптандыру мәселелерін қозғап, өңірдегі аграрлық саладағы басымдықтарды атады.

БАҚ өкілдері аймақ басшысына әлеумет, білім, экономика, ауыл шаруашылығы салаларындағы көкейде жүрген сауалдарын қойды. «Қызылорда қоғамдық телерадиокомпаниясы» ЖШС құрылтайшысы Шәкизада Әбдікәрімов ақпаратты беру тәсілінде талдамалы ақпараттарды жетілдіру қажеттігін және жергілікті сала басқармаларының тиісті мәселелерге келгенде ашық ұстанымдарының жетпейтінін атап өтті. Бұл ретте әрбір сала басшылары журналистермен тікелей қарым-қатынас ұстап, ақпараттық шектеулерге жол бермеу қажет деген ұсыныс ортаға салды.

БАҚ өкілдері аймақ басшысына әлеумет, білім, экономика, ауыл шаруашылығы салаларындағы көкейде жүрген сауалдарын қойды. «Қызылорда қоғамдық Телерадиокомпаниясы» ЖШС құрылтайшысы Шәкизада Әбдікәрімов ақпаратты беру тәсілінде талдамалы ақпараттарды жетілдіру қажеттігін және жергілікті сала басқармаларының тиісті мәселелерге келгенде ашық ұстанымдарының жетпейтінін атап өтті. Бұл ретте әрбір сала басшылары журналистермен тікелей қарым-қатынас ұстап, ақпараттық шектеулерге жол бермеу қажет деген ұсыныс ортаға салды.
Ал республикалық «Егемен Қазақстан» газетінің меншікті тілшісі Мұрат Жетпісбаев егіс алқаптарындағы су тапшылығы проблемасын алға тартып, суды үнемдеу мәселесіне ерекше назар аударуды сұрады.
Облыс әкімі өзекті сауалға нақ жауап берді.
– Биылғы жылдан басталған суармалы судың тапшылығы егін шаруашылығына әсер етпей қоймады. Мұны біз білеміз. Осы жағдайды ескере келе, ауыспалы егіс жүйесіндегі күріш егісінің көлемін 75- 80 мың гектарға тұрақтандырып, мал азықтық дақылдар егісінің көлеміне басымдық беруді көздеп отырмыз,-деді Гүлшара Әбдіқалықова.
Кездесуде республикалық «Әлімсақ» журналының бас редакторы Нұрлан Көбегенұлы ақпараттық ашықтық, тәуелсіз БАҚ өкілдеріне мемлекеттік тапсырыс беру мәселесін көтерді. Бас редактор өңірдегі сала басшылары ай сайын онлайн платформалар арқылы журналистермен кездесу ұйымдастырып, ортақ мәселелерді талқыға салатын кері байланыс тетіктерін іске асыруды сұрады.
Ал, «Хабар» телеарнасының меншікті тілшісі Нұрлан Жақыпбек маман даярлау мәселесін қайта қарап, журналистермен тікелей қызмет жасайтын баспасөз хатшыларының жұмысын күшейтуді сауал етіп қойды.
Сонымен бірге кездесуге жиналған ақпарат саласының мамандары журналистика саласының ардагерлеріне және осы салада аянбай еңбек етіп жүрген тілшілер қауымын ынталандыру бағытында түрлі шаралар өткізуді ұсынды.
Облыс әкімі ақпараттық қолжетімділік бағытында журналистер тарапынан айтылған әрбір ұсынысты саралай келе тиісті сала басшыларына тапсырма беріп, ақпараттық ашықтықты ұстануда жұмысты жүргізудің алгоритмі бекітілетінін атап өтті. Сондай-ақ, БАҚ өкілдерімен еркін кездесулерді өткізу жалғасатынын қаперге салды.
Облыс әкімінің баспасөз қызметі.
27 тамыз 2020 ж. 391 0

PDF нұсқалар мұрағаты

№92 (1693)

28 қараша 2020 ж.

№91 (1692)

24 қараша 2020 ж.

№90 (1691)

21 қараша 2020 ж.

Жаңалықтар мұрағаты

«    Шілде 2024    »
ДсСсСрБсЖмСбЖс
1234567
891011121314
15161718192021
22232425262728
293031 

Суреттер сөйлейдi

ТҮНГІ ҚЫЗЫЛОРДА
01 қараша 2017 ж. 14 326 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам