МИ-8Т ТІКҰШАҒЫМЕН ТӘЖІРИБЕЛІК ЖАТТЫҒУ ӨТКІЗІЛДІ
Қазақстан Республикасы Ішкі істер министрлігінің Төтенше жағдайлар комитеті «Оңтүстік өңірлік аэроұтқыр жедел құтқару жасағы» мемлекеттік мекемесінің 2017 жылдың бекітілген жылдық жоспары бойынша құтқарушылар «Қазәуеқұтқару» АҚ-ның қызметкерлерімен бірігіп МИ-8Т тікұшағымен тәжірибелік жаттығу өткізді.Өткізілген практикалық жаттығудың мақсаты – құтқарушылардың Ми-8Т тікұшағына отыру және түсіру элементтерін және құтқару құрал-жабдықтарын тиеу-түсіру тәсілдерін өтеу.
Таңғы сағат 08-30 минутта «Жалпы жиын» белгісі беріліп, оған жасақтың барлық құтқарушылары көтерілді. Қызметкерлер жиналып, дайындықты тексергеннен кейін жасақ құтқарушылары Қызылорда қаласындағы «Қорқыт Ата» әуежайына шықты.
Жаттығу алдында, МИ-8Т тікұшағының бортмеханигі құтқарушыларға қауіпсіздік техникасы ережелері, отыру және тік ұшаққа қажетті құтқару құрал-жабдықтарды тиеп-түсіруді өткізу бойынша нұсқау өткізді. Содан кейін жасақ құтқарушылары жоғарыда аталған тапсырмаларды орындады
