Үйленгендеріне төрт күн болған жас жұбайлардың қазасы
АҚШ-тың Колорадо штатында үйленгендеріне төрт күн болған жас жұбайлар әуе апатынан қайтыс болды.Мұндай ақпаратты Сан-Мигель аймағының шерифі Twitter парақшасында жариялады. 30 жастағы Костас Джон Сивиллис пен 33 жастағы Линдси Вогеляр үйленген соң Теллерайд қаласында бал айларын өткізген. Жас жұбайлар саяхаттан үйлеріне қайтып бара жатқан сәтте апатқа ұшыраған. Полицияның ақпаратынша, ерлі-зайыптылар ұшқан жеңіл моторлы ұшақ көкке көтерілген соң шамамен 10-15 минуттан кейін жерге құлаған. Қаза болғандардың әуе саласында жұмыс істегені хабарланды. Сивиллис United Airlines компаниясында ұшқыш және ұшу инструкторы болып еңбек еткен. АҚШ-тың Көліктегі қауіпсіздік бойынша ұлттық кеңесі қайғылы жағдайдың мән-жайын анықтауға кірісіп кеткен.
.jpg)
