12 миллион теңгені қолды қылған азамат
2020 жылдың қыркүйек айының 10 күні Жаңақорған аудандық полиция бөліміне Шалқия ауылының тұрғыны ақша жоғалғандығы жөнінде арызданды. Тексеру жұмыстары барысында 9 қыркүйекте ауылда туған інісі ағасының үйіне терезесі арқылы кіріп, адамдардың жоқтығын пайдаланып, жатын бөлмеде тұрған сейфтің есігін бұзып, 12 миллион ақшасын алып кеткен.
Көп ұзатпай полицейлер ағасына арамдық ойлаған азаматты ұстады. Ол Түркістан облысының тұрғыны, бұрын сотты болғандығы анықталды.
Қазіргі таңда ҚР Қылмыстық кодексінің 389-бабының 3-бөлігімен (Өзінше билік ету) тергеп - тексеру амалдары жүргізілуде. Оған қатысты «ешқайда кетпеу және өзін дұрыс ұстау туралы қолхат» түріндегі бұлтартпау шарасы қолданылды. Мән-жайы анықталуда.
Қызылорда облысы Полиция департаментінің баспасөз қызметі
