Мемлекеттік тілді дамытуға арналған сайыс өтті
Бүгін облыстық Қазақстан халқы Ассамблеясының ұйымдастыруымен мемлекеттік тілді дамыту бағытында "Жас Көшбасшы" интеллектуалдық сайысы болып өтті. Оған "Жаңғыру жолы" жастар қозғалысының мүшелері, Назарбаев зияткерлік мектебінің оқушылары қатысты.Сайыста қатысушылар 4 кезең бойынша бақ сынасты. Бірінші кезеңде Kahoot бағдарламасы арқылы өз білімдерін дәлелдеді . Екінші сергіту сәтінде сайыскерлер қызықты логикалық сұрақтарға жауап қатты. Үшінші брэйнг-ринг кезеңінде әр топқа бөлек-бөлек сұрақтар қойылды. Ал, төртінші кезеңде жастардың Қазақстанның тарихын қаншалықты деңгейде білетіндігі тексерілді.
Нәтижесінде өз мықтылығын танытқан «Бірлік» тобы - I дәрежелі, «Ынтымақ» тобы – II дәрежелі, «Достық» пен «Татулық» тобы – III дәрежелі дипломмен марапатталды.
Жас Көшбасшыны анықтайтын сайыс соңында білім жағынан мықтылығы мен шапшаңдығын көрсете білген топтарға ақшалай сертификаттар табысталды.
Облыстық Қазақстан халқы
Ассамблеясының баспасөз қызметі
