СЫРДАРИЯ АУДАНЫ БАС ЖҮЛДЕ ИЕЛЕНДІ
Елбасы Н.Ә.Назарбаевтың «Болашаққа бағдар: рухани жаңғыру" мақаласы аясында облыстық мәдениет, архивтер және құжаттама басқармасының қолдауымен облыстық халық шығармашылығын дамыту және мәдени-продюсерлік орталығының және аудандық мәдениет және тілдерді дамыту бөлімінің ұйымдастыруымен «Үздік әдістемелік бұрыш» байқауы өткізілді.Облыстық деңгейде ұйымдастырылған байқауға Сыр өңіріне қарасты аудандардан өнер ұжымдары қатысып, үш кезең бойынша бақ сынады. Байқау нәтижесінде бас жүлдені Сырдария аудандық мәдениет үйінің әдістемелік кабинеті иеленді. Ал, жүлделі І-орынды Басықара ауылдық клубы еншілесе, (Қазалы ауданы), ІІ-орын Жаңақорған ауданының намысын қорғаған Арман кент мәдениет үйіне бұйырды. Сәйкесінше, ІІІ-орындар Арал және Жалағаш аудандарына берілді. Байқау жеңімпаздарына арнайы «Дипломдар» мен бағалы сыйлықтар берілсе, басқа да қатысушыларға «Алғыс хаттар» тапсырылды. Байқау барысында Тереңөзек кенті мәдениет үйінің әдіскері Эльмира Тілеубергенова «Заманауи мәдени шараларды ұйымдастыру тәсілдері» тақырыбында шеберлік сабағын ұсынды.
