14 ұлдан кейін өмірге келген қыз
АҚШ 14 ұлы бар ерлі-зайыптылардың 15-ші перзенті дүниеге келді. Бұл жолы олар қызды болған деп жазады independenteagle.com. АҚШ-тың Мичиган штатында тұратын ерлі-зайыптылар үлкен отбасы болуының арқасында жергілікті тұрғындар арасында танымалдыққа ие болған. Джей мен Кэтри Швандт бүгінде 14 ұл баланың және бір қыз баланың ата-анасы атанып отыр.
Ерлі-зайыптылар көпшілікке қиындықтар әкелген 2020 жыл оларға керемет бақыт сыйлағанын айтуда. Себебі, көп балалы ана көптен күткен қыз баланы дүниеге әкелген. Қызына Мэгги деген есім берген 45 жастағы ерлі-зайыптылар мен оның оның балалары Мэггидің перзентханадан шығу сәтін қуанышпен және толқумен қарсы алады.
Отбасының 28 жастағы тұңғышы Тайлер Швандт ата-анасы 14 ұл баладан кейін мүлде қызды болудан үміт үзгендерін еске алды. Алайда Жаратушы оларға тосынсый жасаған. Ерлі-зайыптылар оқушы кезінен бір-біріне ғашық болып, 1993 жылы некелерін қидырған екен. Оқу оқып жүріп, алғашында үш ұлы дүниеге келген қос ғашық бүгінде көп балалы отбасына айналған. Олар балалы болу білімді шыңдауға кедергі келтірмейтінін айқын дәлелдеп бергендей. Бүгінде отағасы заңгер болса, әйелі әлеуметтік саланың магистрі атанған.
