ҚАЛА ТҰРҒЫНДАРЫ АРАСЫНДА ЖҮГІРУДЕН САЙЫС ӨТТІ
Қызылорда облыстық Қазақстан халқы Ассамблеясының ұйымдастыруымен қала тұрғындары арасында жүгіру сайысы болып өтті. Бұқаралық жүгірістің мақсаты – салауатты өмір салтын насихаттап, денсаулықты нығайту болып табылады.
Сайысқа түскен тіркелушілердің жасына шектеу қойылған жоқ. Сол жағалаудан басталған жүгіру сайысында қатысушылар белсенділік танытып, 3 жарым шақырымға дейін жүгірді.
Нәтижесінде бірінші орынды Ерасыл Әбсадықов, екінші орын Юрий Кожушный, үшінші орынды Рауан Шазында қанжығасына байлады. Жүлделі орынға ие болған жеңімпаздарға ақшалай сертификаттар табысталды. Белсенділік танытқан қатысушылардың барлығы ынталандыру сыйлықтарын иеленді.
Облыстық Қазақстан халқы
Ассамблеясының баспасөз қызметі
