Терроризмді насихаттаумен айналысқан азамат анықталды
Қызылорда облысы Полиция департаментінің Экстремизмге қарсы іс-қимыл басқармасы және Қызылорда облысы бойынша қылмыстық атқару жүйесінің департаментінің қызметкерлерімен бірлесіп жүргізген жедел шаралар барысында түзеу мекемесінде жазасын өтеп жатқан 43 жастағы Түркістан облысының тұрғыны, идеологтарының діни алауыздықты қоздыруға бағытталған уағыздарын таратумен айналысқаны анықталды. Аталған дерек бойынша Қазақстан Республикасы Қылмыстық кодексінің 174-бабының 1-бөлігімен (Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру) сотқа дейінгі тергеп-тексеру басталып, сот-дінтанушылық сараптама тағайындалды. Сараптама қорытындысына сәйкес терроризмді насихаттау белгілері анықталды.
Осыған байланысты күдіктіге қатысты 16 қараша 2020 жылы Қазақстан Республикасы Қылмыстық кодексінің 256-бабының 1-бөлігімен (Терроризмдi насихаттау немесе терроризм актiсiн жасауға жария түрде шақыру) сотқа дейінгі тергеп-тексеру амалдары жүргізілуде.
Қызылорда облысы Полиция департаментінің баспасөз қызметі
