ҚАЗАЛЫДА САЛЫҚ БАЗАСЫ ҰЛҒАЙТЫЛУДА
Қазалы ауданында тіркелмей кәсіпкерлік қызметпен айналысушыларды анықтау бағытында тиісті жұмыстар жүргізілуде. Бұл туралы бүгін мемлекеттік кірістер басқармасының басшысы Фердоуси Қожабергенов аппарат мәжілісінде баяндады. Визуалды бақылау жұмыстарын жүргізу арқылы сауда нүктелерінің иелеріне арнайы жадынамалар таратылған. Түсіндірме жұмыстарының нәтижесінде табыс көлемі бірнеше есе көбейіп, жыл көлемінде 186 дана бақылау-касса машинасы есепке қойылған.Мәжілісте аудан әкімінің міндетін атқарушы Әлімжан Жарылқағанов бұл мәселе бойынша шағын және орта кәсіпкерлік субъектілерінің кассалық аппаратпен жұмыс жасауына бақылау жүргізіп, тұтынушыларға чек басылуына рейдтік жұмыстарды жалғастыруды, салық салу базасын ұлғайту жөніндегі жедел жұмысшы топтардың жұмысын қатаң бақылауға алуды тапсырды.
