ҚЫЗЫЛОРДАДА ТҰРҒЫН ҮЙ ПАЙДАЛАНУҒА БЕРІЛДІ
Жаңа жыл мерекесі қарсаңыда Қызылорда қаласындағы Демесінов көшесінен 15,6 мың шаршы метрді құрайтын 230 пәтерлік 4 көпқабатты тұрғын үй пайдалануға берілді.«Өңірлерді дамыту - 2020» бағдарламасы аясында «Самұрық-Қазына» жылжымайтын мүлік қоры АҚ-ның қаржыландыруымен, жалпы құны 2 млрд. 637,1 млн. теңге болатын бұл тұрғын үйдің құрылысын мердігер мекеме «Бақ – Береке 2030» ЖШС-і жүргізген.
Жаңа жыл мерекесі қарсаңында қоныс тойын тойлағалы тұрған жаңа пәтер иелерін облыс әкімі Қ. Көшербаев, қала әкімі Н. Нәлібаев және «Самұрық-Қазына жылжымайтын мүлік қоры» АҚ-ның маркетинг жөніндегі басқарушы директоры - Басқарма мүшесі Т. Қалдыбаев құттықтап, тұрғындарға пәтер кілттерін табыстады.
Жалпы биылғы Қызылорда қаласында 230 мың шаршы метр болатын 2 мың 971 пәтерлік 61 көпқабатты тұрғын үйлердің құрылысы жүргізілуде.
Оның ішінде жеке инвесторлардың қаржысы есебінен 957 пәтерлік 24 көпқабатты тұрғын үй, мемлекеттік бағдарламалар арқылы 2 мың 14 пәтерлі 37 көпқабатты тұрғын үйлер салынуда.
