«СЫР ЖОМАРТЫ» ҚАЙЫРЫМДЫЛЫҚ АКЦИЯСЫНА ҚАТЫСТЫ
Қызылорда облысының Төтенше жағдайлар департаментінің ұжымы, «ОӨАЖҚЖ» ММ құтқарушылары және өртке қарсы бөлімшелердің қызметкерлері «Сыр Жомарты» атты өңірлік қайырымдылық акциясына қатысты. Іс-шараның негізгі мақсаты облыстағы халықтың әлеуметтік қорғалмаған ең осал топтарын қолдауға бағытталған.Осыған орай Жаңа жыл қарсаңында Қызылорда облысы Төтенше жағдайлар департаменті бастығының орынбасары полковник Саид Молдақараев пен Өрт сөндіру және авариялық–құтқару жұмыстары қызметі бастығының міндетін уақытша атқарушы Нұрсұлтан Ибрагимов Тәжімбетов және Өксікбаевалардың отбасыларына барып, азық-түлік және қаржылай көмек табыс етті. Құтқарушылар үшін Жаңа жыл мерекесі қарсаңында қайырымдылық акциясына қатысу игі дәстүрге айналып келеді.
