ҚҰТҚАРУШЫЛАР КҮНІНЕ ОРАЙ СПАРТАКИАДА ӨТКІЗІЛДІ
Азаматтық қорғау органдарын құру күнін мерекелеу қарсаңында облыстық төтенше жағдайлар департаментінің ведомстволық бағыныстағы бөлімшелері арасында кіші футбол, гір көтеру, арқан тарту, армрестлинг және дуатлон секілді спорт түрлерінен жарыс өткізілді. Оған 8 команда қатысты.Жарыстың алғашқы күні «Динамо» спорт алаңында өткен кіші футболдан өткен тартысты бәсекеде облыстық төтенше жағдайлар департаментінің командасы жеңімпаз атанды. Арқан тарту мен 25 келі салмақта гір көтеруден №2 мамандандырылған өрт сөндіру бөлімінің спортшылары бірінші орынға ие болды. Қол күресінен №1 мамандандырылған өрт сөндіру бөлімінің өрт сөндірушілері бірнші орынға қол жеткізді. Дуатлонда №8 өрт сөндіру бөлімінің спортшылары бірінші орынды иеленді.
Жалпы командалық есепте жүлделі бірінші орынды №2 мамандандырылған өрт сөндіру бөлімінің спортшылары жеңіп алды. Ал күміс жүлдегерлер Оңтүстік өңірлік аэромобильдік жедел-құтқару жасағының құтқарушылары. Спартакиаданың үшінші орынды департамент командасна бұйырды.
