ЖЫЛ ҮЗДІКТЕРІ МАРАПАТТАЛДЫ
Шиелі аудандық мәдениет үйінде «Жыл үздіктерін» марапаттау шарасы өтті.
Салтанатты шарада аудан әкімі тұрғындарды жұртшылықты Жаңа жыл мерекесімен құттықтап, аудан көрсеткіштері мен алдағы уақыттағы міндеттерге тоқталды. Жыл қорытындысымен ауданның әлеуметтік-экономикалық дамуына үлес қосқан азаматтарға «Жыл қамқоршысы -2017», «Жыл қаламгері-2017», «Жылдың үздік кәсіпкері» «Жылдың үздік әлеуметтік қызметкері», «Жас көшбасшысы-2017» секілді 46 номинация бойынша марапатталды. Жыл қорытындысымен үздік деп танылғандарға аудан әкімінің дипломы мен алғыс хаты табысталды. Салтанатты шара мерекелік концертпен жалғасып, жергілікті өнерпаздар қатысушыларға мерекелік көңіл-күй сыйлады.
