ЖАЛАҒАШТА ЖЫЛ ҮЗДІКТЕРІ МАРАПАТТАЛДЫ
Жалағаш ауданындағы Қ.Қазантаев атындағы Мәдениет үйінде Жаңа жылдық мерекелік концерт өтті.
Мерекелік концертте LED экран арқылы 2017 жылы аудан көлемінде өткен ірі оқиғалар, тағы басқа шаралардан дайындалған бейнеролик көрсетілді. Салтанатты жиынды аудан әкімі Қ.Сәрсенбаев ашып, жиылған жұртшылықты санаулы күндерден кейін келетін Жаңа жыл мерекесімен құттықтады. Аймағымыз үшін берекелі де жемісті жыл болған 2017 жылы аудан көлемінде атқарылған бірқатар ауқымды жұмыстарға тоқталып, салалар бойынша қол жеткен жетістіктерімізді айтып өтті. Алдағы жылы жоспарланған жұмыстарға тоқталып, жыл үздіктерін марапаттады.
Салтанатты жиын аудан көркемөнерпаздарының концерттік бағдарламасына ұласты.
