АЛҒАБАСТА СПОРТ КЕШЕНІ АШЫЛДЫ
Шиелі ауданына қарасты Алғабас елді мекенінен мемлекеттік-жекешелік әріптестік аясында спорттық сауықтыру кешені салынды.
Нысанның ашылу салтанатына аймақ басшысы Қырымбек Елеуұлы қатысып, ауыл тұрғындарын қуаныштарымен құттықтады.
Жобаның жалпы құны - 42 млн. теңге. Спорт кешенінде кіші футбол, воллейбол, күрес, бокс сияқты спорт түрлеріне арналған жаттығу залдары бар.
Спорттық сауықтыру кешенінің құрылысын «БЕТА и К» ЖШС басшысы, жергілікті кәсіпкер Машрапин Ерболат Жылқайұлы жүргізген.
