ЖАҢА ӘЛІПБИ - ЖАҢА МҮМКІНДІК
Ұлттық Банкте мекеме қызметкерлерінің қатысуымен әліпби ауыстыру мәселесі бойынша жиын өтті.Латын әліпбиінің тиімділігі баяндалған жиында жаңа әліпбиді тез әрі ұтымды игерудің жолдары, аталмыш графика жайлы жұртшылық арасында қалыптасқан кейбір жаңсақ пікірлер талқыланды.Сондай-ақ, облыстық ішкі саясат басқармасы «Тілдерді оқыту орталығының» қызметкері Б. Байділдаева тіл реформасы еліміздің саяси-тарихи бетбұрыс екенін, жаңа кезең жаңа мүмкіндіктер беретінін баса айтты.Дәл осы бағыттағы түсіндірме жұмыстары «Қазақтелеком» акционерлік қоғамы қызметкерлері арасында да жүргізілді. Оған облыстық ішкі саясат басқармасы тілдерді оқыту орталығының директоры Н.Мұсаева қатысып, ғылыми тұрғыдан көзқарасын білдірді. Сондай-ақ, облыстық ішкі саясат басқармасы тілдерді оқыту орталығының оқытушысы Жаныгүл Ерекешова облыстық «Нұр Отан» партиясының «Тұран» филиалы қызметкерлеріне «Кіл жүйрік, кіл жүйректен кім жүйрік?» тақырыбында сайыс сабақ ұйымдастырды. Сабақ барысында тыңдаушылар топқа бөлініп, қазақтың салт-дəстүрлері, шешендік сөздері бойынша білімдерін сынға салды. Нəтижесінде екі топ тең дəрежеде көрсеткіш көрсетіп, «Тамыры терең əліпби» тақырыбында өз ойларын жеткізді.
