ЕРЛІК ЕР ЕСІНДЕ
Облыс орталығындағы «Тағзым» алаңында Кеңес әскерлерінің ауғанстан жерінен шығарылғанына 29 жыл толуына орай «Ерлік те, елдік те ұрпаққа аманат» атауымен сол сұрапыл жылда қаза тапқан жауынгерлерді еске алу шарасы өтті. Оған қаза болған жауынгерлердің туыстары, ауған соғысының ардагерлері, түрлі қоғамдық ұйымдардың өкілдері мен әскери бөлімшелердің өкілдері қатысып, гүл шоқтарын қойды. Соғыс 1979 жылдың 25 желтоқсанынан 1989 жылдың 15 ақпанына дейін созылған. Ресми деректер бойынша, оған Қазақстаннан 22 мың азамат қатысып, оның 924-і қаза тауып, 21-і хабар-ошарсыз кеткен. Ал, 1015 жауынгер соғыстан мүгедек болып оралған. Қандастарымыздың ішінде 86-сы Кеңес Одағының батыры атағына ие болған. Он жылға созылған қанды сұрапыл соғыста облысымыздан 800-ге жуық адам қатысқан.
Ақерке СЕЙІТОВА,
ҚМУ-дің IV курс студенті.
