ӨРТ ҚАУІПСІЗДІГІ – БАСТЫ НАЗАРДА
2017 жылғы есепті кезеңде облыс бойынша 446 өрт оқиғасы орын алды. Өрт оқиғасынан 3 адам қаза болды, оның ішінде 1-еуі бала, жарақат алғандар саны 9 адам.Сонымен қатар, облыс бойынша 2016-2017 ж.ж жылу беру маусымы уақытында тұрғын секторда 218 өрт оқиғасы тіркелді. 22 түтінге және табиғи газға улану фактісі тіркелді, олардан барлығы 61 адам, оның ішінде 20 ересек, 41 жасөспірім зардап шегіп, емдеу орындарына жүгінген. 2 адам газ баллонындағы сұйытылған газға улану фактісі бойынша қаза болған.
Өрт қауіпсіздігі айлығы кезеңінде өртке қарсы түсіндірме жұмыстарын жүргізу мақсатында 66616 рет тұрғын үй секторының ауласы араланып, 329102 адамға үгіт насихат жұмыстары жүргізілді. Көп қабатты үй тұрғындарымен 331 рет кездесу жұмыстары атқарылып, соның ішінде электр және газ баллон жабдықтарын, пешті және газ пешті орнату қолдану туралы өрт қауіпсіздік талаптарына назар аударылып 6118 адам қамтылды.
