ҚЫЗЫЛОРДАДА РЕСПУБЛИКАЛЫҚ АҚЫНДАР АЙТЫСЫ ӨТЕДІ
Қызылорда облысының мәдениет, архивтер және құжаттама басқармасының ұйымдастыруымен Елбасының «Болашаққа бағдар: рухани жаңғыру» бағдарламалық мақаласы аясында Астана қаласының 20 жылдығы және Қызылорда қаласының 200 жылдығына арналған «Астана – биік төрім, Қызылорда – туған жерім!» атты республикалық ақындар айтысы ұйымдастырылады. Жыр додасына республикамызға танымал айтыскер ақындар Рүстем Қайыртай - (Алматы қаласы), Әсем Ережеқызы (Семей қаласы), Дидар Камиев, Мақсат Ақанов (Қарағанды қаласы), Сұлужан Тауболды (Астана қаласы), Болатбек Оразбаев (Алматы қаласы), Шалқарбай Ізбасаров (Атырау қаласы), Нұрғанат Қайрат (Павлодар қаласы), Аруна Керімбек, Рай Дөңбай (Тараз қаласы) және Сыр елінен Мұхтар Ниязов, Нұрмат Мансұров, Мейірбек Сұлтанхан, Иранғайып Күзенбаевтар қатысады.
Айтыс 2018 жылдың 21 ақпаны күні, сағат 11.00-де, Н.Бекежанов атындағы қазақ музыкалық драма театрында өтеді.
