ЛАТЫН ƏЛІПБИІ – «РУХАНИ ЖАҢҒЫРУ» БАҒДАРЛАМАСЫНЫҢ НЕГІЗГІ ЖОБАСЫ
Латын əліпбиі – «Рухани жаңғыру» бағдарламасының негізгі жобасы. Латын əліпбиіне негізделген қазақ тілі ең алдымен цифрландыруда, ақпараттық технологияны игеруде, əлемдік кеңістікке шығуға жол ашады. Қазірдің өзінде үш тілді тіпті одан да көп тілді меңгерген жастарымыз білім кеңістігінде өз деңгейлерін көрсетіп жүр. Мұндай озық ойлы тұлғалар қазақ тарихында өте көп болған. Елбасы жарлығымен бекітілген 32 əріптен тұратын нұсқаны осы уақытқа дейін ғалымдар електен өткізді. Бір айта кететін нəрсе, латын əліпбиіне көшу мəселесі ашық жəне жан-жақты талдауларды ескеру арқылы жүзеге асып келе жатыр. Алғашқы ұсынылған жоба мен қазіргі бекітілген жоба арасында біршама айырмашылықтар бар. Сондықтан ең ұтымды əрі тиімді нұсқа қабылданады деп ойлаймын. Ендігі міндет – емле ержесінің дұрыс жазылуы. Əліпби барлық адамға түсінікті əрі үйренуге оңай болуы керек.
Гүлмира ӘШІРБЕКОВА,
«Рухани жаңғыру» орталығының бөлім басшысы
