АУДАН ӘКІМІ 8 НАУРЫЗДА БОСАНҒАН АНАЛАРДЫ ПЕРЗЕНТХАНАҒА ҚҰТТЫҚТАП БАРДЫ
8 наурыз күні Арал ауданында он сəби жарық дүние есігін ашты, - деп хабарлады ҚазАқпарат тілшісі.Айтулы күні 4 ұл бала мен 6 қыз бала дүние есігін ашыпты. Қос мерекеге кенелген ардақты аналарды аудан басшысы Мұхтар Оразбаев пен «Нұр Отан» партиясы Арал аудандық филиалы төрағасының бірінші орынбасары Т.Қанатов арнайы барып құттықтап, қуаныштарымен бөлісті. Мереке аясында аналар қауымына аудан əкімінің Алғысы мен сыйлықтар табысталды. Айта кетейік, Сыр халқының көбеюіне ерекше үлес қосып келе жатқан қос ауданның бірі Арал ауданы болып табылады. Сондай-ақ, ұзақ жасаушылар да осы өңірге тиесілі.
