СУ БАСУ ҚАУПІ ЖОҚ
Ағымдағы жылдың 12 наурызына Шардара су қоймасынан Сырдария өзенінің төменгі ағысына 400 м3/сек, Көксарай су реттегішінен төменге 100 м3/сек көлемде су жіберілуде.Облыс аумағына түсіп жатқан су көлемі 160 м3/сек құраса, Қызылорда су торабынан 245 м3/сек су босатылуда.
Қазіргі таңда Сырдария өзенімен сең жүруіне байланысты облыс аумағындағы барлық азаматтық қорғау күштері күшейтілген қызмет атқаруға көшіріліп, өзен бойына бекітілген жауапты мекемелер мен тиісті мемлекеттік органдар тарапынан тәулік бойғы кезекшілік ұйымдастырылған.
Болжам бойынша 12 наурыз күні түнгі мезгіл мен 13 наурыз күні күндізгі мезгілде Қызылорда қаласы аумағынан сеңнің жүріп өтуі күтілуде.
Бүгінгі күнге облыстың елді мекендерін су басу қаупі жоқ.
Қызылода облысының жұмылдыру
дайындығы басқармасы.
