ШИЕЛІДЕ НАУРЫЗ МЕРЕКЕСІ КЕҢ КӨЛЕМДЕ АТАЛЫП ӨТТІ
Ұлыстың ұлы күні - Наурыз мейрамын аудан жұртшылығы тойлады. Орталық алаңда киіз үй тігіліп, дастархан жайылып, «Қош келдің, Әз-Наурыз!» атты мерекелік шара өткізілді.Шарада аудан әкімі Әшім Оразбекұлы аудан тұрғындарын Наурыз мерекесімен құттықтады. Мерекеге жиналған аудан тұрғындары мен қонақтары концерттік бағдарламаларды, театрландырылған көріністерді тамашалады. Қолөнер шеберлері бұйымдарының көрмесі ұйымдастырылды. Сонымен қатар, тұрғындар алтыбақан теуіп, ұлттық, спорттық ойындарға қатысып, спортшылардың өнерлерін тамашалай алды.
