ҚАНАТ ИСЛАМНЫҢ ЕНДІГІ ЖЕКПЕ-ЖЕГІ ҚАЙДА ӨТЕТІНІ БЕЛГІЛІ БОЛДЫ
Қазақстандық кәсіпқой боксшы Қанат Исламның ендігі жекпе-жегі қайда өтетіні белгілі болды. Дегенмен қарсыласы кім болатыны әлі анықталмаған.
Бұл туралы боксшы EsNews-ке берген сұхбатында айтты, деп хабарлайды Sports.kz.
– Сіз енді Америкада рингке шығасыз. Келесі кездесу қайда өтеді?
– Вегаста.
– Кіммен?
– Әзірше білмеймін. Маған кім болса да бәрібір.
Қанат Ислам бірінші орта салмақта WBO NABO, WBA-NABA және WBA Inter-Continental белдіктерін иеленген. Соңғы рет ол 2017 жылы 9 қыркүйекте Астанада канадалық Брэндон Кукпен (19-1, 12 КО) кездесіп, 9-шы раундта техникалық нокаутпен жеңіске жеткен болатын.
Айта кетейік, Қанат жақында Top Rank промоутерлік компаниясымен келісім жасасқан. Бұл – екінші орта салмақтағы атақты Василий Ломаченконың (10-1, 8 КО) ісін жүргізетін компания. Сондай-ақ, Қанат Ислам Окснардта (Калифорния штаты, АҚШ) осы украиналық боксшының тағы бір бапкері Марко Контрерастың қарамағында шеберлігін шыңдап келеді.
