ЖАНАР-ЖАҒАРМАЙ ТАПШЫЛЫҒЫ ЖОҚ. АИ-92 МАРКАЛЫ БЕНЗИН ЕРКІН САТЫЛЫМДА.
Бұл туралы бүгін Өңірлік коммуникациялар қызметінде өткен баспасөз конференциясында облыстық кәсіпкерлік және туризм басқармасы басшысының орынбасары Дінмұхаммед Болатбеков мәлімдеді.
Басқарма тарапынан облыс аумағында бөлшек саудадағы мұнай өнімдерінің бағаларына күнделікті мониторинг жүргізілуде.
«Осы орайда, 2017 жылдың 17 қазандағы мониторинг мәліметтеріне сәйкес, облыста АИ-92 маркалы бензинінің орташа бағасы – 154 теңге, дизель отынының орташа бағасы –148 теңгені құрап отыр. Сонымен бірге, мұнай өнімдерінің қоры АИ-92 маркалы бензині – 1 379,7 тонна,
дизель отыны – 1 881,5 тонна. Облыс аумағында жанар-жағармай тапшылығы жоқ», - деді облыстық кәсіпкерлік және туризм басқармасы басшысының орынбасары Дінмұхаммед Болатбеков.
Сонымен қатар, басқарманың арнайы жұмысшы тобы жанар-жағар бекеттерінде күнделікті таңертеңгілік, кешкі және қажет болған жағдайда түнгі мезгілдерде мониторинг жүргізуде. Айта кету керек, əзірге ТС бекеттерінде ғана жанар-жағармай талон арқылы берілуде.
