МЕМЛЕКЕТТІК ҚЫЗМЕТ ТАЛАБЫ ҚАНДАЙ?
Өңірлік коммуникациялар қызметінде Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің жұртшылықпен байланыс жөніндегі департаментінің директоры Арман Бердалиннің қатысуымен брифинг өткізілді.
Республикалық және жергілікті ақпарат құралдары қатысқан брифингте Қазақстандағы мемлекеттік қызметтің заманауи ахуалы таразыланды. Соңғы жылдары бұл салада біршама өзгерістер бар. Мемлекеттік қызметшілер үшін сынамалы тәртіпте еңбекақы төлеудің жаңа жүйесін енгізу, қызметтерді электронды үлгіге ауыстыру, сыбайлас жемқорлықтың алдын алу және қызметшілердің әдеп қағидаларын сақтау мәселелерін қамтыды.
Сондай-ақ, ол мемлекеттік көрсетілетін қызметтерді оңтайландыру, оларды электронды үлгіге ауыстыру туралы әңгімеледі. Қазіргі уақытта тізілімдегі көрсетілетін мемлекеттік қызметтің 447-сі «Электронды үкімет порталы» арқылы қолжетімді болып отыр. Бұл уақытты үнемдеуге және қызметті кез келген ыңғайлы уақытта алуға мүмкіндік береді.
Айта кетейік, агенттік өкілі бұған дейін Қызылорда қаласы, Жалағаш және Сырдария аудандарының тұрғындарымен, оның ішінде мемлекеттік қызметшілері, қоғамдық ұйымдардың өкілдері және студенттермен кездесу өткізген еді.
Биболат Сәтжан.
