ЖҮРЕГІМ ТОЛЫ МЕЙІРІМ
Ә.Тәжібаев атындағы облыстық әмбебап ғылыми кітапханасында әлеуметтік қорғаусыз балалардың қоғамда бейімделуіне және ізгілік пен қуаныш сыйлау мақсатында «Жүрегім толы мейірім» атты қайырымдылық акциясы өтті.
Шараға Талсуат елді мекеніндегі психоневрологиялық диспансері, қаладағы №7 арнайы түзету мектеп-интернаты және үйден әлеуметтік қызмет көрсету бөлімінің тәрбиеленушілері қатысты. Мүмкіндігі шектеулі балаларға арнап Ы.Алтынсарин атындағы №10 орта мектеп, № 2 «Мұрагер» мектебінің оқушылары мен «Рауан» интеллектуалды шығармашылық клубының мүшелері ән мен жырдан шашу шашып, ертегілерден қойылымдар қойды. Мерекелік шара соңында балаларға арнайы дайындалған тәттілер үлестірілді.
А.Әбдіқадыров
