БАРЛЫҚ ПОЙЫЗДАРҒА WI-FI ҚОНДЫРЫЛМАҚ
Алдағы уақытта еліміздегі барлық жолаушылар пойызына Wi-Fi қызметі орнатылмақ. Бұл туралы Астанада өткен брифингте «Жолаушылар тасымалы» АҚ басқарма мүшесі Алмас Айтпаев мәлімдеді.«Қазіргі уақытта «Тұлпар-Тальгоның» бірнеше пойызында, атап айтқанда Алматы-Петропавл және Алматы-Астана бағыттарына Wi-Fi қызметі енгізілді. 2020-2022 жылдары өзге бағыттарға да енгізіледі», – деді Алмас Айтпаев Астанада өткен брифингте.
Басқарма өкілі жиын барысында барлық пойыздарды Wi-fi қызметімен қамту мәселесіне тоқталды.
«2020-2022 жылдарға дейін Қазақстан темір жолы барлық темір жол желісіне Wi-Fi жүйесін енгізуді жоспарлап отыр, сонда барлық пойыздарда Wi-Fi қолжетімді болады», – деді Алмас Айтпаев.
