Ақмешіт апталығы

    Ә.Тәжібаев атындағы облыстық әмбебап ғылыми  кітапханасында   халықаралық балалар кітабы күнінеорай«Кітап патшалығындағы мереке» атты салтанатты шара өтті.                                                                         Айта кетейік,бұл мереке балалар және жасөспірімдер әдебиеті жайлы халықаралық кеңестің шешімімен 1967 жылдан бастап аталып, Ұлы дат жазушысы, ертегіші  Ганс  Христиан  Андерсеннің туған күніне арналған. Балаларды кітап оқуға тарту мақсатында  Ә.Мүсілімұлы атындағы №101 мектеп-лицейдің оқушылары мерекелік шараны  флешмобпен ашты. Сүйікті кітаптарын жарнамалау арқылы  Б.Гриммның  «Қызыл телпек» ертегісі  бойынша сахналық қойылым қойып, ән мен жырдан шашу шашып, көрермен ыстық ықыласына бөленді.

        Шараға қаладағы Ә.Құдабаев атындағы №197, Ы.Алтынсарин атындағы №10, №217 Б.Шалғынбаев атындағы, №187 М.Шоқай атындағы мектеп пен өзге де білім ордаларының оқушылары белсене қатысты.  Жиын соңында қатысушылар баланың дүниетанымын кеңейтетін, ақыл-ойын дамытып,  шығармашылық қабілетін шыңдайтын «Кітап арқылы ашылған  сырлы әлем» атты кітап көрмесімен  танысты. Көрмеге 300-ге жуық балалар әдебиеті  қойылды.