АТТЕСТАЦИЯДАН ӨТКЕН МҰҒАЛІМДЕРГЕ ҮСТЕМЕАҚЫ ҚОСЫЛАДЫ
Үстіміздегі жылы мектеп мұғалімдерінің аттестациясы өтеді. Соның нәтижесінде олардың жалақысына 50 пайыздық үстемеақы қосылады. Бұл туралы ҚазАқпарат тілшісі xабарлайды . ҚР Білім және ғылым министрі Ерлан Сағадиевтің айтуынша, бүгінде республика бойынша 285 мыңнан астам мұғалім болып қызмет етеді. Олардың тең жартысы – жоғарғы және бірінші санаттағы мұғалімдер екен.
«Қазіргі кезде мұғалімдерге нақты талап қоятын педагогтың кәсіби стандарты бекітілді. Аттестациядан өткізу жүйесі талқыланып жатыр. Аттестацияны күзде жаңа оқу жылы кезінде бастайтын боламыз», – деген
Е. Сағадиев Үкіметтің отырысында.
Ал, ҚР Білім және ғылым вице-министрі Асxат Аймағамбетов аттестацияның нәтижесі бойынша 50 проценттік үстамеақының төленетінін растаған. «Қазір аттестацияның жаңа тәртібі бекітіліп жатыр. Бұл –Елбасының тапсырмасы. Соның нәтижесі бойынша ұстаздарға 30-50 пайызға дейін үстемеақы төленетін болады», – деп атап көрсеткен ол.
Айтолқын АЙТЖАНОВА.
