ҰШАҚТАРДА ТҰРЫП БАРАТЫН ОРЫНДАР ПАЙДА БОЛАДЫ
Италиялық Aviointeriors орындықтар өндірушісі ұшақтағы адам сыйымдылығын 20 пайызға арттыру үшін тұрып баруға арналған вертикалды орындықтардың дизайнын жасады, деп хабарлайды Baq.kz ақпарат агенттігі lenta.ru сайтына сілтеме жасап.Skirider 2.0 жаңа моделі Германияның Гамбург қаласындағы «Aircraft Interiors Expo 2018» көрмесінде таныстырылды.
Skyrider-дің ерекше дизайны салт атқа арналған ертоқымға ұқсас келеді, оның жобасы 2010 жылы құрастырылған. Бірақ АҚШ федералдық авиация әкімшілігі бұл идеяны қолдамаған. Алайда, Aviointeriors өкілдері шабандоздардың мұндай жағдайда ешбір ыңғайсыздықты сезінбей бірнеше сағат бойы отыра алатынын атап өтті. Осылайша, өндіруші тұрып бару үшін ойластырылған орындықтар қысқа уақыттағы рейстер үшін өте қолайлы болып және әуе компанияларының табысын арттырады деген сенімде.
Skyrider 2.0 орындықтарының әр қатары екі тік бағанмен қамтамасыз етілген. Сонымен қатар, тұрып баруға арналған орындықтардың жақсартылған нұсқасында оларға жұмсақ қаптама кигізуге болады.
«Біз ұшу шығындарын төмендетудің кез келген тәсілдеріне қызығушылық танытамыз», - деп атап өтті топ-менеджер.
2017 жылдың шілдесінде Колумбияның VivaColombia авиакомпаниясының басшылығы ұшақ сыйымдылығын арттыру үшін лайнерлерде вертикалды орындықтарды енгізуді ойластырған болатын.
