ШАХМАРДАН ЕСЕНОВКЕ АРНАЛҒАН МӘДЕНИ ШАРАЛАР БАСТАЛДЫ
Қорқыт ата атындағы ҚМУ-нің Студенттер сарайында қоғам және мемлекет қайраткері, академик Шахмардан Есеновтің 90 жылдығына арналған «Қазақстанның кен ресурстары: игерілуі, даму барысы мен болашағы» атты республикалық ғылыми-тәжірибелік конференция өтуде.Оны облыстық ішкі саясат басқармасы және «Руханиятты қолдау» қоғамдық қорының ұйымдастырып отыр.
Ш.Есеновке арналған мәдени іс-шаралар бүгін Қызылорда қаласындағы оның ескерткішіне гүл шоқтарын қою рәсімімен басталды. Түстен кейін Ә.Тәжібаев атындағы орталық кітапханада «Өнегелі өмір» және «Шахмардан» кітаптарының тұсаукесері болады.
Мәдени іс-шаралар ертең, 21 қазанда Шиелі ауданында жалғасады. Тартоғай ауылында Ш.Есеновтің бююстіне гүл шоқтары қойылып, №153 мектепте арнайы жабдықталған кабинеттің ашылу салтанатты рәсімі өткізіледі. Ауылда мәдениет үйінің құрылысы басталады. Қазақ күресінен түйе палуандар арасында республикалық жарыс, республикалық ақындар айтысы болады. Ауыл шаруашылығы озаттарын марапатату рәсімі өткізіледі.
