ЖАЛАҒАШТА ҚОҒАМ ҚАЙРАТКЕРІНЕ КӨШЕ БЕРІЛДІ
Жалағаш ауданында «Еңбек Қызыл Ту» орденінің иегері, Республикалық дәрежедегі зейнеткер, қоғам қайраткері Нәзтай Сермахановаға кент орталығынан көше беріліп, ашылу салтанаты өтті. Ол кісі 40 жылдан астам ауданның өсіп-өркендеуіне үлкен үлес қосқан. Салтанатты жиынды аудандық мәслихат хатшысы М.Еспанов ашып, өзінің санаулы ғұмырын ауданымыздың әлеуметтік-экономикалық дамуына арнап, ұрпаққа ұлағат болар артында із қалдырған абзал ұстаз-ана туралы өз естеліктерімен бөлісті. Сонымен қатар жиында аудандық ардагерлер кеңесінің төрағасы С.Әлиев, «Сыр елінің қайраткер қызы» кітабының авторы Ш.Айбосынов және қоғам қайраткерінің замандастары сөз алып, естеліктерімен бөлісіп, ой толғаса, ал ұрпақтары шексіз алғыстарын жеткізді. Салтанат Н.Сермаханова атындағы ескерткіш тақтасының ашылу рәсімімен аяқталды.
