БҮГІН АУА РАЙЫ ҚАНДАЙ БОЛМАҚ?
5 маусымда Қазақстанның басым бөлігінде жауын-шашынсыз ауа райы күтіледі, деп хабарлайды Қазгидромет.Синоптиктердің болжауынша, тек солтүстікте, оңтүстік-батыста атмосфералық ағындардың өтуіне байланысты құбылмалы ауа райы сақталады, кей жерлерде өткінші найзағайлы жаңбыр жауады, дауыл, желдің күшеюі, тұман болып, бұршақ жаууы ықтимал. Солтүстік Қазақстан облысында жел 15-20, екпіні 23-28 м/с күшейіп, кей жерлерде найзағай, дауыл болып, бұршақ жаууы мүмкін, түнде және таңертең кей жерлерде тұман күтіледі. Ақмола, Маңғыстау, Батыс Қазақстан облыстарының, күндіз Ақтөбе, Павлодар, Қостанай облыстарының кей жерлерінде желдің күшеюі 15-20 м/с жетеді, Ақмола облысының кей жерлерінде түнде найзағай, Қостанай облысының кей жерлерінде тұман күтіледі. Алматы облысының кей жерлерінде найзағайлы жаңбыр күтіледі. Күндіз Қарағанды облысының кей жерлерінде аптап ыстық күтіледі. Маңғыстау облысында өте жоғары өрт қаупі күтіледі.
