БАЛАЛАР СУДА ЖҮЗУДІ ҮЙРЕНДІ
«Сырдария» балаларды сауықтыру лагерінде ҚР IIM төтенше жағдайлар мекемесінің қызметкерлерімен балаларға түсіндірме жұмыстарын жүргізу қолға алынған. Осыған орай, аталмыш мекеме қызметкерлері, лагерь директоры, тәрбиешілер және тынығушылардың қатысуымен арнайы іс-шара өткізілді. Шара барысында тынығушыларға оңтүстік өңірлік аэроұтқыр жедел құтқару жасағының сүңгуірлік құтқару бөлімше бас маманы Феодосияди Андрей, сүңгуірлік құтқару бөлімше бас маманы Әлжанов Бағдат және бас құтқарушы Тұрсанов Талғат түсіндірме жұмыстарын жүргізді. Онда суда жүзу – спорттың ерекше әрі пайдасы мол түрі екендігі айтылды. Сондай-ақ, суда жүзуді үйренудің алғашқы сабақтары көрсетілді.
Алдағы уақытта төтенше жағдайлар департаментінің қызметкерлерімен судағы қауіпсіздік, өрт қауіпсіздігі, алғашқы көмек көрсету бағыттары бойынша әр ауысым сайын жүйелі түрде түсіндірме жұмыстары өткізіліп тұрады.
Айтолқын БАТЫРБАЙҚЫЗЫ.
