БҮКІЛ ӘЛЕМДІ ҚЫЗЫҚТЫРҒАН АЗДЫРАТЫН КОФЕ
Бүкіл әлемді қызықтырып отырған бұл кофе шынында да артық салмақпен күресіп, тез нәтиже көрсетеді. Белсендірілген көмір қосылған детокс-сусын жоғары сұранысқа ие болып отыр. Себебі сүт қосып дайындалған кофені бір түйір дәріханалық белсендірілген көмірмен араластырып ішкен жандар айтарлықтай салмақ тастап, әлеуметтік желілер арқылы өз қуаныштарымен бөлісуде.Жалпы, диетологтар ағзаны тазарту керектігін айтудан жалықпайды. Міне, дәл осы сусын ішкі ағзаларды тазалауға көмектеседі. Белсендірілген көмірді 10 кг салмаққа 1 таблеткадан салу керек. Егер сіз 70 келі шығатын болсаңыз, бір шыны-аяқ кофеге 7 таблетка салып ішуге болады. Тазарту курсы 1 аптаны құрайды.
ЕСКЕРТУ! Аағзаны тазаламас бұрын дәрігермен ақылдасып алуға кеңес береміз.
Кофе расымен де салмақ тастауға көмектесе ме?
Кофенің көпшілікке ұнайтын дәмді сусындардың бірі екенін білеміз. Алайда оның арықтауға көмектесетін ең күшті құрал екенін кейбіреулер біле бермейді. Кофе – ағзадағы зат алмасу жүйесін жылдамдатып, майлардың еруіне ықпалын тигізеді. Сондықтан да болар, диетологтар диетаның кофеден тұратын ерекше түрін ойлап тапты. Олай болса, сол диеаталарға да тоқталып өтейік!
1аптаға арналған диета
Аталмыш диета ережесі бойынша күніне 2 шыны кофе ішу керек. Мұндай диетаны өзіңізге ыңғайлы етіп жасап алуға да болады. Мәселен, қарапайым тауық етін, күркетауық етімен немесе қоянның етімен, ал, бір қасық сүзбені бір тілім сырмен алмастыруға болады.
Таңғы ас: Омлет немесе қайнатылған жұмыртқа жеңіз. Сонымен қатар, 150 гр тауық етін қайнатып, көк шаймен бірге лимон салып жеп алсаңыз да болады.
Екінші таңғы ас: Бір шыны табиғи кофе мен бір тілім сыр.
Түскі ас: Асқабақ, кәді, балдыркөк және сәбіз қосылған езбе-сорпа, қайнатылған тауықтың төс еті, 1 стақан көкөніс шырыны.
Бесін ас: майсыз кілегей қосылған бір шыны-аяқ кофе.
Кешкі ас: Түрлі астық дақылдар қосылған печенье, 1 стақан 0 пайыздық йогурт немесе кефир.
Осы диетаны басқа да үйіңізде бар азық-түліктермен, көкөністермен алмастыра отырып, 6-7 күн ұстансаңыз болады.
1 аптаға арналған 2-ші диета
Бұл да бір тиімді диеталардың бірі. Жалпы диетаны 6 күн бойы сақтаған дұрыс. Сондай-ақ, таңғы астың бір шыны-аяқ қою кофеден басталуын қадағалаңыз. Тек жұма күні ғана кофе ішпеуге болады. Ендеше диетаны бастайық!
Дүйсенбі
Қырыққабаттан жасалған салат. Қырыққабатпен бірге қызанақ пен 2 дана қайнатылған жұмыртқа қосуға болады. Осы салаттың жарты бөлігін түскі асқа жейсіз де, ал, қалғанын кешкі асқа қалдырасыз. Салатпен қоса кешкі асқа қайнатылған бір бөлік балық жеңіз.
Сейсенбі
Жоғарыда айтып өткеніміздей таңғы асқа қою кофе ішесіз. Ал, түскі ас қырыққабат салаты мен қайнатылған майсыз балық етінен тұрады. Кешкі асқа 200 грамм қайнатылған сиыр еті және 1 сатақан кефир жарайды.
Сәрсенбі
Түскі асқа қайнатылған сәбіз қосылған салат дайындайсыз. Бұл салатқа жұмыртқа, сыр, және май қосуға болады. Ал, кешкі асқа 2 дана алма жеген жеткілікті.
Бейсенбі
Сәл ғана қуырылған ақжелкен тамыры мен екі дана алманы түскі асқа дайындайсыз. Кешкілік қайнатылған сиыр еті, қырыққабат пен қайнатылған жұмыртқадан салат жасайсыз.
Жұма
Таңғы ас: лимон шырыны қосылған сәбіз салаты. Түсте – 500 гр. балық пен 1 стақан қызанақ шырыны, кешкі асқа қырыққабаттан әзірленген салат.
Сенбі
Түскі ас кезінде қайнатылған тауық еті мен сәбізден, қырыққабаттан салат дайындайсыз. Сосын кешкілік сәбіз бен қырыққабат салаты және қайнатылған екі жұмыртқа.
Күн сайын таңертеңгілік уақытта бір шыны кофе ішуді ұмытпаңыз!
