ГОЛОВКИН МЕН «КАНЕЛОНЫҢ» ЕКІНШІ КЕЗДЕСУІНІҢ ӨТЕТІНІ РЕСМИ ТҮРДЕ ЖАРИЯ ЕТІЛДІ
Сауль Альварестің промоутері (49-1-2, 34 КО) Оскар де Лая Хоя Геннадий Головкинмен (38-0-1, 34 КО) екінші кездесудің болмайтынын жария еткен болатын. Алайда ол артынан жекпе-жектің өтетінін туралы айтты, деп жазады Sports.kz.Осылайша, Головкин кірістерді 42,5% / 57,5% ұстанымы бойынша, бөлуге келісті, деуге болады. Яғни бұл жерде пайданы Канело көбірек көреді немесе олар кірісті басқаша бөлісудің жолын тапты. «Мен біздің жекпе-жегіміздің қыркүйектің 15-інде өтетінін Сіздерге қуана-қуана хабарлаймын! «Канело»-GGG II, деп жазды Де ла Хоя Твиттерге. Кездесу әдеттегісінше, сол Лас-Вегастағы T-Mobile Arenaда өтетін болуы керек. Өйткені Альварестің командасының жақында ғана осы аренаны жалдағандығы белгілі болды. Головкин-«Канело» кездесуі 2017 жылдың 16-шы қыркүйегінде өткен болатын. Жекпе-жек теңдей аяқталды, алайда ол көп дау тудырды. Бокс әлемінің көптеген өкілдерінің пікірінше, төрешілер қазақстандық боксшының жетістігін дұрыс бағаламады.
