ШЫҒАРМАШЫЛЫҚ САЙЫС ӨТКІЗІЛДІ
Қызылорда облысы ҚАЖ департаменті ЗК-169/5 мекемесінің Сотталғандар арасында әлеуметтік-психологиялық тәрбие жұмысы бойынша бөлімінің психологиялық қамтамасыз ету тобының психологтары «Өмірдегі әлемім» атты шығармашылық сайыс өткізді. Тренингтің негізгі мақсаты - жаза мерзімін өтеуші азаматтардың бойындағы мазасыздану, қобалжу, үрейді азайтып сәттілікке бағыттау, ерік – жігерін өз қабілетін дамыту, өздеріне деген сенімділігін арттыру және жағымды көңіл – күй қалыптастыру.
Мекеме психологтары жазасын өтеуші азаматтар арасында«Менің әлемім» әссе жазу, «Өмірдегі әлемім» сурет салу, «Жүйрік ой» ойын жаттығу сайысын ұйымдастырды. Сайысты қорыта келе сайысқа қатысқан барлық жазасын өтеуші азаматтарды жеңімпаздар деп анықталды. Бүгінгі сайысқа белсене қатысқан сотталғандарға алғыс айтылып, «Келесі кездескенше!» жаттығуы ұйымдастырылды.
Сотталғандар арасында әлеуметтік-
психологиялық тәрбие жұмысы
бойынша бөлімінің психологиялық
қамтамасыз ету тобының инспектор
психологы әділет лейтенанты А.Жүсіпбеков