ӘНІМ САҒАН – ТУҒАН ЕЛ
«Жібек жолы» сауда ойын-сауық орталығында М.Мәметова атындағы Қызылорда педагогикалық жоғарғы колледжінің «Япурай» студенттік хор ұжымы «Әнім саған – туған ел» атты хор әуендерінен флешмоб ұйымдастырды.Шара Астана қаласының 20 жыл, Қызылорда қаласының 200 жылдығына орай Елбасы Нұрсұлтан Назарбаевтың «Болашаққа бағдар: рухани жаңғыру» мақаласының «Туған жер» бағдарламасы аясында өтті.
«Япурай» студенттік хор ұжымы флешмоб бағдарламасында қазақ халық әндерін, орыс және шетел композиторларының хор шығармаларын орындады.
Флешмобқа жиналғандар тамсана шырқалған әндерге жоғары бағасын беріп, алғыстарын білдірді.
Айта кетсек, «Япурай» хоры «Дарынды шоқжұлдыздар» республикалық байқауының, Б.Байқадамов атындағы кәсіби хор ұжымдары байқауы, «Astana Сlassic» Халықаралық классикалық әуендер байқауының және «Жұбановтар әуені-2018» Халықаралық байқау-фестивалінің жүлдегері.
