Ақмешіт апталығы

 Өңірлік коммуникациялар қызметінде «Барлығына бірдей, әркімге қолжетімді» акциясының жеңімпаздары марапатталды. Шара қорытындысы бойынша оған 10 мыңнан аса адам қатысқан. Нәтижесінде халықты ынталандыру мақсатында 200-ден аса ақпарат тасығыш, 90 ұялы телефон, 10 шақты планшет, 19 смартфон, 8 роутер модем, 2 ноутбук, 1 теледидар жеңімпаздарға тапсырылды. Шараны ұйымдастырушылар жылда дәстүрлі түрде өтетін акцияға облыс тұрғындарының биылғы белсенділігі өте жоғары екенін айтады.Айта кетейік, акция ағымдағы жылдың 11 қыркүйегі мен 1 қазан аралығында өткен еді. Облыс әкімдігінің тікелей қолдауымен қолға алынған игілікті шара электронды үкімет порталы арқылы ұсынылатын мемлекеттік қызметтердің үлес салмағын арттыру мақсатында ұйымдастырылған.