ҚАЗАҚСТАНДА 3 МАУСЫМ КҮНІ ЖЕЛ КҮШЕЙІП, БҰРШАҚ ЖАУУЫ ЫҚТИМАЛ
Қазақстанда 2018 жылдың 3 маусым күні атмосфералық фронталды бөліктердің өтуіне байланысты ауа райы құбылмалы болады, деп хабарлайды «ҚазАқпарат». «Қазгидромет» РМК-ның мәліметтері бойынша, республиканың кей жерлерінде жауын жауып, найзғай ойнайды. Жел күшейіп, тұман түседі, бұршақ жаууы да ықтимал. Едің батысы мен оңтүстігінде бірқатар аймақтарда шаңды дауыл көтеріледі. Тек елдің батысында, оңтүстігі мен солтүстігінде ғана күн ашық болады.
Жамбыл облысының бірқатар аймақтарында жел күшейіп, жылдамдығы секундына 15-20 метрге дейін жетеді.
Қарағанды облысында жел тұрып, бұршақ жауып, күндіз желдің жылдамдығы секундына 15-20 метрге жетеді. Түнде және күндіз кей жерлерде бірқатар аймақтарға тұман түседі.
Алматы облысының бірқатар аймақтарында жел күшейіп, жылдамдығы секундына 18-23 метр болады.
Түркістан, күндіз Қызылорда, Атырау облыстарының кей жерлерінде желдің жылдамдығы секундына 15-20 метрге жетіп, шаңды дауыл көтеріледі.
Солтүстік Қазақстан облысында жел күшейіп, жылдамдығы 15-20 м/с болады. Түнде және таң ата тұман түсуі ықтимал.
Шығыс Қазақстан, күндіз Ақмола облыстарының бірқатар аймақтарында бұршақ жауып, желдің жылдамдығы секундына 15-20 метрге жетуі ықтимал.
Павлодар, Қостанай облыстарында түнде және таң ата тұман түседі.
Күндіз Батыс Қазақстан облысында кей жерлерді желдің жылдамдығы секундына 15-20 метрге жетеді.
Күндіз Батыс Қазақстан, Атырау облыстарында күн ысиды, кей жерлерде күн қатты ысиды. Маңғыстау облысында да аптап ыстық болады, кей жерлерде тым қатты ысиды.
Ақтөбе облысында да күн ысиды.
Маңғыстау, Атырау облыстары мен Қызылорда, Батыс Қазақстан, Ақтөбе, Түркістан, Шығыс Қазақстан облыстарында күн ерекше қатты ысып, өрт қаупі туындауы ықтимал.
