КРИШТИАНУ РОНАЛДУ «РЕАЛ» КЛУБЫНАН КЕТЕТІН БОЛДЫ
Мадридтік «Реал» футбол клубы шабуылшы Криштиану Роналдуды «Ювентуске» жіберуге келісетінін мәлімдеді.Криштиану Роналду
Бұл туралы Еurosport басылымына сілтеме жасап Stan.kz хабарлайды.
Клубтың мәліметінше, бұл қадам португалиялық футболшының қалауы мен өтінішіне жауап ретінде жасалып отыр.
«Реал» қашанда сенің үйің болып қала береді», – делінеді клубтың ресми сайтындағы хабарламада.
Айта кетсек, Роналду «Реал» клубының құрамында 2009 жылдан бері ойын көрсетіп келеді. Осы уақытта ол 438 ойынға қатысып, 450 гол соққан.
Футболшы «Реалдың» құрамында жүріп екі мәрте Ла Лиганы, 2 Кубокты және 2 рет Испанияның Суперкубогын жеңіп алды. Сондай-ақ, 4 мәрте Чемпиондар лигасын, Еуропаның 2 Суперкубогын және 3 мәрте Клубтық әлем чемпионатын жеңді.
