ҚАЗАҚСТАН ДОМБЫРАШЫЛАРЫ ГОЛЛИВУДТА АЛТЫН МЕДАЛЬҒА ҚОЛ ЖЕТКІЗДІ
Қазақстанның домбырашылары Голливудта жеңіске жетті. Бұл туралы продюсер Алпамыс Шаримов өзінің Instagram парақшасында мәлім етті, деп хабарлайды Baq.kz ақпарат агенттігі.Ол хабарлағандай, «Бастау»домбырашылары Голливудтағы халықаралық байқауда өз номинациясында алтыннан алқа таққан. Бұл байқауда әлемнің 72 елінен келген өнерпаздар бақ сынаған.
«Бұл жолды жүріп өту қаншалықты қиын екенін білсеңіздер ғой!!!!! Сүйінші!!!!!! Қазақтың қара домбырасы Hollywood саxнасына шықты, "Бастау" домбырашылар тобы өз номинацияларында алтын медальге ие болды! Жеңісімізді биылғы "Ұлттық домбыра күніне" арнаймыз! Бізді қолдаған Қазақ Ұлттық университетінің ректоры, өнер жанашыры Айман Қожабекқызы Мұсаxоджаева xанымға мың алғыс!», - деді ол.
